Tuesday, June 23, 2015

झुम्छु रुबरु तिमीलाई समाउँदै,
कामिनीको सुरिलो रागसरी बगेको भाकामा डुब्दै;
दिव्य दृश्यको आभास , परमात्माको चरण स्पर्श,
दिलाएसरि नश-नशमा जब छाउँछ तरंग बहँकिदै
विशाल भेलसरि बगाउँदै बिचित्रका रंगहरु-
केहि अकल्पित् बीन बखानको कुतुहुल्ता,
तर साधरण भन्दा अपारको द्रश्य देखाउँदै ।
आवाजको ध्वनि मिलेर सुरिलो बनि बगेर
कतै गहिराइमा पुगेको,
ग्यानेन्द्रियहरुले जस्तै इन्द्रियहरु स्प्रश गरेको,
मनमा भावका लहराहरु संगितको लयमाइ
कतै पर सयर गर्दै-
यो ठाउँ देखि टाडा केही महसुस गरेझै,
नेत्रहरु खालि-खालि तरल बगाउँदै
मुस्कान पहिरिएर,
मुरुलीको लयमा नागराज नाचेझै,
त्यो शरीर संगीतको बिधी बिधानमा,
आफ्नो मनको परमात्माको दर्शन पाएझै,
सारा संसार छिनकोलाई ब्रमाण्डको रंगहरुका सानो धुलोझैँ
 झुमी- झुमी
फुर्र -
फैलिएर उडेझै ।।

Monday, June 22, 2015

फेर्दै गरेको सास्ले तैरिँदै गरेको प्राणको नाउँ,
ह्रदयकुञ्ज डुल्दै मस्तिष्कको आग्रहमा चलिरहेको त्यस्को पाठ्पूर्जा ;
वायुको बेगमा मछ्ल्दै! प्राण भर्दै!
बोलाउँदै गरेको अनजान आवाज पछ्याउँदै,
स-साना दुई झ्यालबाट संसार नियाल्दै,
कुन दीशालाग्ने हो त्यतैको बाटो बनाउँदै,
ओर्लेर आएको खोलासँगनि तैरेर पार ग्रछु भन्दै,
आएको भेललाई प्रेरणामा ढाल्दै -
नाविकले खियाउनजेल भत्किन भन्दै ।।